BAB II
MINTAK KATO
KATURUN
Dibaokan oleh:
A:
Malin
B:
Sutan
C:
Mamak
D:
Inyiak
Malin : Manyo sutan
Sutan : Lai
Malin : Barundiang
singkek jo Sutan
Sutan : laluanlah
Malin : A-lah buah parundiangan nan dianta kabakeh
Sutan, maagak-i dihari sahari nangko, hari alah banamo elok katiko alah banamo
baiak, tankato hari alah banamo elok katiko alah banamo baiak, mungkasuik alah
sampai nan diama alah pacah , balaia lah sampai kapulau bajalan lah sampai ka bateh, ba toh nan kini, kok makan lah
baraso kanyang kok minum alah baraso sajuak, tarabik kabanaran di dunsanak surang jo baduo kok jauah nan ma-asak langkah kok ampia nak maurak selo, saiyo mintak dilapeh jo muluik manih hati nan suci,
sakitu bana nan dianta kabakeh sutan.
Sutan : Sampai Malin.
Malin : Sakiro alah
Sutan : Alah kamanjadi kato malin barundiang singkek
jo ambo, ma-agak-i hari nan sahari nangko, hari alah banamo elok katiko alah
banamo baiak, tankato hari alah banamo elok katiko alah banamo baiak,mukasuik
alah sampai diama alah pacah balaia lah sampai kapulau bajalan
lah sampai kabateh, makan lah baraso
kanyang minum lah baraso sajuak,
tarabik kabanaran di dunsanak surang jo baduo
kok duduak nak maurak selo kok tagak nak ma asak langkah, saiyo di
lapeh jo muluik manih hati nan suci, kan sabaitu kato?
Malin :
Sabananyo Sutan
Sutan : Sapanjang
kabaran sutan nan ka tangah iyolah bana tapi sungguahpun lah bana,
karano kito duduak lai basamo, lamak sirirah lega carano lamak kato lega baiyo kanduang adat kanduang pusako mananti Malin sakitiko Malin.
Malin : Mangko lah bana dianta kabakeh Sutan cako,
lamak siriah lega carano lamak kato lega baiyo
kanduang adat kanduang pusako ambo pakai sifat mananti
Sutan.
Sutan :
Malah ambo paiyokan?
Malin : Rancak
(SIAP
ITU SUTAN BARUNDIANG KA MAMAK)
Sutan :
Manyo Mamak
Mamak :
Lai
Sutan :
Barundiang Singkek jo mamak
Mamak :
Laluanlah
Sutan :
Sungguahpun barundiang jo mamak
ditapi asak katangah ditangah dibumbun jo kabanaran maaf di mintak
Mamak :
Kumbali pado Allah
Sutan :
A-lah buah parundiangan nan di anta
kabakeh mamak, ma-agak-i di hari sahari nangko
hari alah banamo elok katiko alah banamo baiak, tankato hari alah
banamo elok katiko alah banamo baiak,
bunyi lah kadangaran rupo nan alah kalihatan
gayuang kasambuiknyo kati kajawabnyo bana di mamak ambo nanti mah mak.
Mamak :
lah sampai sutan
Sutan : Sakiro alah
Mamak :
A-lah buah parundiangan sutan cako nan ta-anta kabakeh ambo, ma-agak-i di hari sahari nangko, hari alah banamo elok
katiko alah banamo baiak, tankato hari alah banamo elok katiko alah banamo
baiak, dibunyi nan kadangaran dirupo nan kalihatan, gayuang kasambuiknyo kato
kajawabnyo bana di ambo banantikan
sabaitu kato?
Sutan :
Sabananyo Mak
Mamak :
Supayo pinyak kabuliah kandak kabalaku mananti sutan sasaat sutan lah dalam
bana tu Sutan?
Sutan :
Asakan pinta lai kabuliah kandak lai kabalaku ambo pakai sifat mananti mak.
Mamak :
malah ambo paiyokan
Sutan :
Rancak mak
(SI MAMAK LENGONG KIRI JO KANAN BAIYO KANAN TUO)
Mambaliakkan kato
ka Si Sutan dari mamak sacaro capek
Mamak : Manyo Sutan
Sutan :
Lai mak
Mamak :
Kambali parundiangan ka Sutan
Sutan :
Lah rancak mak
Mamak :
Alah juo kato ambo cako sutan tibo mananti
ambo tibo baiyo kabakeh inyiak mamak nan basamo baliau angku nan tuo,
bulek sagelek pipiah salayang lah dapek
buah pambarian, a-lah nan kamanjadi buah pambariannyo,satantangan nan jauah nak
maurak langkah nan ampia nak maurak selo yo lah di lapeh jo muliuk manih hati
nan suci, sungguahpun lah dilapeh dituruik Sutan salangkah, alah nan kamanjadi
buah turuiknyo satantangan juadah nan
katangah kok ado ereng kok ado gendeng, talatak indak ditampek, ditampek indak
dimakan patuik saiyo-iyo dimaafkan dek baliau nan basamo, lah banamo barinyo ka
Sutan.
Sutan : Lah sampai
mak
Mamak :
Alah
Sutan :
Alah juo kato ambo cako ambo tibo mananti
mamak tibo baiyo kabakeh inyiak mamak nan basamo baliau angku nan tuo,
bulek sagelek pipiah salayang lah dapek
buah pambarian, a-lah nan kamanjadi buah pambariannyo,satantangan nan jauah nak
maurak langkah nan ampia nak maurak selo yo lah di lapeh jo muliuk manih hati
nan suci, sungguahpun lah dilapeh dituruik Sutan salangkah, alah nan kamanjadi
buah turuiknyo satantangan juadah nan
katangah kok ado ereng kok ado gendeng, talatak indak ditampek, ditampek indak
dimakan patuik saiyo-iyo dimaafkan dek baliau nan basamo, kan sabaitu kato
Mamak :
Sabananyo Sutan
Sutan :
Hinggo diambo kandak alah buliah pintak lah balaku lah sanang hati mak
Mamak :
Tankato lah sanang babateh kito
tantangan parundiangan
Sutan :
Tankato kabebateh aia baulu bamuaro kato
barasa dinantabik,ambo antakan kato ka nan tabik mak.
Mamak :
karano pusako salang basuruikkan mamintak buliah samiang, antakan kanan tabik
sutan
Sutan :
Malah ambo antakan mak
Mamak :
Rancak
KEMUDIAN SI
SUTAN MAANTAKAN BALIAK KA SI MALIN.
ALUA KATO KATURUN
Mampaiyokan kato katurun dari si Sutan jo Mamak
dengan alua mangumbalikan
Mamak :
Manyo sutan
Sutan :
Lai
Mamak :
Kumbali parundiangan ka Sutan
Sutan :
Lah elok mak
Mamak :
Alah juo kato diambo Sutan tibo mananti ambo tibo baiyo manjapuikkan kabakeh inyiak mamak nan surang
jo baduo sarato baliau angku nan tuo,bulek sagelek pipiah salayang alah dapek
buah pambarian, a-lah nan kamanjadi buah pambariannyo. Bari se lah dek Sutan
lah sabari inyiak mamak nan basamo lah banamo pambarian kabakeh sutan.
Sutan :
Lah sampai dek mamak
Mamak :
Sakiro alah
Sutan :
A-lah kato amak cako, ambo tibo mananti, mamak tibo mampaiyokan ka inyiak mamak
nan basamo baliau angku nan tuo, bulek sagelek pipiah salayang alah dapek buah
pambarian, a-lah nan kamanjadi buah pambariannyo di sibari sen dek ambo lah
samo sabari inyiak mamak nan basamo kan sabaitu kato?
Mamak :
Sabananyo Sutan
Sutan :
Tantangan nan bak,ambo turuik mamak salangkah, alah kajadi buah turuiknyo , Bak
itiak di sawah laweh den mah mak, cando sibuto ditangah labuah ndak dapek ambo
bapadoman, iko jo mah mak
Mamak : Kabarinyo diambo kiniko kabakeh sutan, nak
dibarih makanan paek nak ditakuak makanan tabang, alah barino tu sutan.
Sutan :
A-lah kato amak cako alah dibarik makanan paek lah ditakuak makanan tabang, kan
sabaitu kato?
Mamak :
Sabananyo Sutan
Sutan :
Satantangan nan itu ndak babakeh duo kito mak,ambo turuik jo lah mamak
salangkah,alah nan kamanjadi turuiknyo,tuahnyo dikato mufakat cilakonyo dikato
nan basilang, bapambarian mamak,mak.
Mamak :
Pambarian jo diambo kabakeh Sutan Putuih barih jo balabeh putuih kato jo nantuo
lah banamo pambarian ka Sutan
Sutan :
Alah kato amak cako putuih barih dibalabeh putuih kato di nan tuo sabaitu kato?
Mamak :
Sabananyo Sutan
Sutan :
Tantangan itu ambo turuik jo mamak salangkah ,alah kajadi buah
turuiknyo,singkek nak minta uleh kurang nak mintak tukuak,ko mak.
Mamak :
Saulik-ulik urang mamintak saceke-ceke urang mambari di bari juo kandak sutan,
tantangan nan jauah nak ma-asak langkah nan ampia nak maurak selo alah dilapeh
jo mulik manih hati nan suci, sungguahpun alah di lapeh sabarih nan kedilaluan,
alah kabuah lalunyo, satantangan juadah nan katangah kok ado ereng kok ado
gendeng kilaf kilafat mintak dimaafkan dek baliau nan basamo, alah banamo
pambarian ka sutan.
Sutan :
Lah sampai dek mamak
Mamak :
Sakiro alah
Sutan :
A-lah kato mamak cako,Saulik-ulik urang mamintak saceke-ceke urang mambari di
bari juo kandak ambo, tantangan nan jauah nak ma-asak langkah nan ampia nak
maurak selo alah dilapeh jo mulik manih hati nan suci, sungguahpun alah di
lapeh sabarih nan kedilaluan, alah kabuah lalunyo, satantangan juadah nan
katangah kok ado ereng kok ado gendeng kilaf kilafat mintak dimaafkan dek
baliau nan basamo, alah banamo pambarian ka sutan sabaitu kato?
Mamak :
Sabananyo Sutan
Sutan :
Hinggo diambo tu kini pintak lah buliah kandak lah balaku lah sanang hati mak
Mamak :
Tankato hati lahsanang babateh kito tantang parundiangan sutan?
Sutan :
Tankato kababateh mak, Aia baulu bamuaro kato barasa di nan tabik malah ambo
antakan ka nantabik mak?
Mamak :
Rancak Sutan alah nan biaso mayalang
manyuruikkan mamintak buliah samiang.
MANGUMBALIKAN KATO KATURUN KA ASA
KATO( KA MALIN)
Sutan : Manyo Malin
Malin :
Lai
Sutan :
Kumbali parundiangan ka Malin
Malin :
Lah elok
Sutan :
A-lah juo kato cako, Malin tibo mananti, ambo tibo baiyo ka inyiak mamak baliau
angku nan tuo, bulek sagelek pipiah salayang alah dapek buah pambarian, alah
nan kajadi buah pambariannyo, satantangan nan jauah nak maasak langkah nan ampia nak maurak selo yo
lah di lapeh jo muluik manik hati nan suci, sungguahpun alah di lapeh sabarih
kadilaluan, alah ka buah lalunyo
tantangan juadah nan katangah kok ado ereng ado gendeng kilaf kilafat,
talatak indak di tampeknyo ditampewk indak dimakan patuik, saiyo dimaafkan Malin
Malin :
Lah sampai Sutan
Sutan :sakiro alah
Malin :
A-lah juo kato cako, ambo tibo mananti, Sutan tibo baiyo ka inyiak mamak baliau
angku nan tuo, bulek sagelek pipiah salayang alah dapek buah pambarian, alah
nan kajadi buah pambariannyo, satantangan nan jauah nak maasak langkah nan ampia nak maurak selo yo
lah di lapeh jo muluik manik hati nan suci, sungguahpun alah di lapeh sabarih
kadilaluan, alah ka buah lalunyo
tantangan juadah nan katangah kok ado ereng ado gendeng kilaf kilafat,
talatak indak di tampeknyo ditampewk indak dimakan patuik, saiyo dimaafkan Malin
sabaitu kato?
Sutan :
Sabananyo Malin
Malin :
Supayo pintak ka buliah kandak ka balaku
mananti lo lah sutan, sutan!
Sutan :
Asa lai pintak kabuliah kandak kabalaku ambo pakai sifat mananti Malin!
Malin :
Malah Ambo paiyokan
Sutan :
Rancak
SIMALIN BARUNDIANG KA NAN TUO KA INYIAK
Malin : Ma inyiak
Inyiak :
Lai
Malin :
Barundiang singkek ambo jo inyiak
Inyiak :
lah elok
Malin :
Adat barundiang jo inyik maaf di mintak
Inyiak :
Pado Allah kito kumbalikan
Malin :
A-lah buah parundiangan nan kadianta ka
bakeh inyiak, ma-agak-i hari sahari nangko, hari alah banamo elok katiko alah
banamo baiak, tankato ari alah banamo elok katiko alah banamo baiak, bunyi
nanlah kadangaran rupo nan alah kalihatan, digayuang nan kamanyambuik di kato
nan kabajawab bana di inyiak ambo nanti,
nyiak
Inyiak :
Lah sampai dek Malin
Malin :
alah
Inyiak :
A-lah buah parundiangan nan kadianta ka bakeh
ambo, ma-agak-i hari sahari nangko, hari alah banamo elok katiko alah banamo
baiak, tankato ari alah banamo elok katiko alah banamo baiak, bunyi nanlah
kadangaran rupo nan alah kalihatan, digayuang nan kamanyambuik di kato nan
kabajawab bana di nyiak ambo nanti, nyiak kan sabaitu kato.
Malin :
Sabananyo nyiak
Inyiak :
Hinggo diambo, karano duduak lai baduo jo batigo, lamak siriah lega carano
lamak kato lega baiyo, duduak jo nan mudo bakeh baiyo duduak jo nan tuo bakeh
maminto, mananti malin luh malin!
Malin :
Asakan pintak kabuliah kandak kabalaku ambo pakai sifat mananti nyiak.
Inyaiak :
Malah ambo paiyokan
Malin :
Rancak nyiak
INYIAK
LENGONG KIRI LENGONG KANAN MAMPAIYOKAN
KEMUDIAN MAMBALIAKAN KA SI MALIN
Inyiak : Manyo Malin
Malin : lai
Inyiak : Kumbali parundiangan ka Malin
Malin : lah elokn nyiak
Inyiak :
Alah juo kato cako, Malin tibo mananti, ambo tibo baiyo kabakeh nyiak mamak
sarato baliau angku nan tuo, bulek sagelek pipiah salayang alah buah pambarian,
a-lah kajadi buah pambariannyo satantangan juadah nan katangah indak ereng
indak gendeng, indak kilaf indak kilafat, lah dirasuak manjariau, lah di lae
lakek atok, lah ditangah pasangan bola, lah banamo pambariannyo ka Malin mah
Malin.
Malin : Lah Sampai nyiak
Inyiak : Sakieo alah
Malin :
Alah juo kato cako, ambo tibo mananti, inyiak tibo baiyo kabakeh nyiak mamak
sarato baliau angku nan tuo, bulek sagelek pipiah salayang alah buah pambarian,
a-lah kajadi buah pambariannyo satantangan juadah nan katangah indak ereng
indak gendeng, indak kilaf indak kilafat, lah dirasuak manjariau, lah di lae
lakek atok, lah ditangah pasangan bola, lah banamo pambariannyo ka Malin mah
Malin kan sabaitu kato.
Inyiak : Sabananyo
Malin : Hinggo diambo dek kandak lah buliah pintak lah balaku lah
sanang hati nyiak.
Inyiak : Tankato lah sanang hati babateh kito
tantangan parundiangan?
Malin : Tankato kababateh dek aia baulu bamuaro kato barasa di nan
tabik ambo antakan kato kanan tabik nyiak.
Inyiak : rancak
MANGUMBALIKAN KATO KA Si SUTAN
Malin : Manyo Sutan
Sutan : Lai
Malin : Parundiangan kumbali ka sutan
Sutan
: Lah rancak
Malin : Alah juo kato cako, Sutan tibo mananti, ambo
tibo baiyo kabakeh nyiak mamak sarato baliau angku nan tuo, bulek sagelek
pipiah salayang alah buah pambarian, a-lah kajadi buah pambariannyo satantangan
juadah nan katangah indak ereng indak gendeng, indak kilaf indak kilafat, lah
dirasuak manjariau, lah di lae lakek atok, lah ditangah pasangan bola, lah
banamo pambariannyo ka Sutan mah Sutan.
Sutan : Lah sampai Malin
Malin : Alah
Sutan :
Alah juo kato cako, ambo tibo mananti, Malin tibo baiyo kabakeh nyiak mamak
sarato baliau angku nan tuo, bulek sagelek pipiah salayang alah buah pambarian,
a-lah kajadi buah pambariannyo satantangan juadah nan katangah indak ereng
indak gendeng, indak kilaf indak kilafat, lah dirasuak manjariau, lah di lae
lakek atok, lah ditangah pasangan bola, lah banamo pambariannyo ka Sutan mah
Sutan. Kan sabaitu kato?
Malin : Sabananyo sutan
Sutan : Hinggo diambo kini ko dek bunyi lah
samo kadangaran pintak lah buliah kandaklah balaku lah sanang Hati Sutan
Malin : Tankato lah sanang babateh kito
tantangan parundiangan Malin
Sutan :
Rancak Mamakaikan ambo.
Tambahan: Kalau mintak sifat kato katurun urang balek
kawin
Tantangan
kababateh ambo turuik jolah Sutan salangkah alah buah turuiknyo, umpang
biaso basisik tingga biaso bajapuik,alah umpang nan kadisisik nan tingga ka di
japuik, anak itiak anak anso manyudu-nyudu tapi banda, ketek tau namo gadang
diagiah gala, sia gala anak minantu kito ko Sutan?
Pambarian juo bakeh ambo ka Malin, alah buah
barinyo umpak basisik tingga bajapuik anak itiak anak anso manyudu-nyudu tapi
banda, ketek banamo arif gadang
bagala Malin kulifah, batamu di labuah nan gadang di pasa nan rami,
kok tagak baolah siriah-siriahan,duduak baoklah pinang-pinangan, lah banamo
barino Malin mah Malin.s
Tidak ada komentar:
Posting Komentar